Obraren lehen parteak bat-bateko arrakasta izan zuen eta Ohorezko Legioa merezi izatea, Akademia Moral eta Zientzia Politikoetan eta Frantses Akademian sartzea ekarri zizkion. Urte gutxiren buruan zazpi herrialdetan argitaratu zen liburua, eta bereziki txalotua izan zen Ingalaterran, non emakume ingeles batekin ezkondu zen. Frantziara itzuli ondoren lau urte eman zituen 1840an bigarren partea argitaratu zuen arte; bertan gizarte amerikarra lausoago agertzen da gizarte modernoak, oro har, dituen ezaugarriak agerian jartzeko.